Ўзбекистон Халқ демократик партияси ташкил топганининг 35 йиллиги муносабати билан “35 йил — 35 янги аъзо” лойиҳаси доирасида янги аъзоларни партия сафига қабул қилиш ишлари олиб борилмоқда.

Ўзбекистон ХДП Тошкент вилояти кенгаши ташаббуси билан Ўрта Чирчиқ туманида таълим, тиббиёт, тадбиркорлик, маданият, спорт, давлат ва жамоат бошқаруви ҳамда бошқа соҳаларда фаолият юритаётган 35 нафар ёш Ўзбекистон Халқ демократик партияси аъзолигига қабул қилинди.

Лойиҳа доирасидаги ишлар ёшларни партия фаолиятига жалб этиш, уларнинг ижтимоий фаоллигини ошириш ҳамда ҳуқуқ ва манфаатларини ҳимоя қилишга қаратилган.