Депутат ташаббуси билан 135 та хонадон тоза ичимлик суви билан таъминланадиган бўлди
Партиямиз Бекобод туман кенгаши депутати И.Қодирова "Ўрикзор" маҳалласида бўлиб, аҳоли мурожаатларини тинглади. Фуқароларнинг маълум қилишича, маҳалладаги 135 та хонадон тоза ичимлик суви билан таъминланмаган.
Депутат масалани жойига чиқиб ўрганганида ўша 135 та хонадонни тоза ичимлик суви билан таъминлаш учун бор йўғи 200 метр полиэтилен қувур ҳамда техника кераклиги аниқланди. Халқ вакили муаммони ҳал қилиш учун туман ҳокими ўринбосари У.Ҳаққулов ҳамда сув-оқава корхонаси билан боғланди.
Натижада мутасаддиларнинг ёрдами ва ҳомийларнинг кўмаги билан хонадонларга тоза ичимлик суви тортиш ишлари бошлаб юборилди.