Денов туманидаги “Озод” маҳалласи ўтган йили энг оғир аҳволдаги маҳалла сифатида танлаб олинган. Дастлаб ўрганишларимизни ушбу маҳаллада олиб бордик. Аниқландики, маҳалла инфратузилмасини яхшилаш бўйича дастур доирасида мазкур ҳудудларда ишсизлик ва камбағаллик қисқартирилиб, томорқа ерларнинг суғориш тизими яхшиланган. Барқарор электр энергияси ва оптик толали интернет тармоғи тортилган. Ички йўллар таъмирланиб, маҳаллада “Обод хонадон-обод кўча-обод маҳалла” мезонлари асосида қиёфаси тубдан ўзгартирилган.
Маҳалладаги камбағалликдан чиқарилган оилалар хонадонларида бўлдик. Умуман, дастурда белгиланган барча чора-тадбирлар бажарилган. Яна бир марта амин бўлдикки “маҳалла еттилиги” жипс бўлиб фаолият олиб борса маҳалладаги муаммолар ўз ечимини топади.
Шунингдек, ҳудудларда куз-қиш мавсумига тайёргарлик ишларининг бориши, шу жумладан, аҳолини, ижтимоий соҳа объектларини, айниқса, тумандаги бир қатор ижтимоий объектлар хусусан, 2 ва 18-сонли умумий ўрта таълим мактабида, 39-сонли мактабгача таълим ташкилотида, 4-сонли оилавий поликлиника филиалида бўлиб энергия ресурслари (электр энергияси, кўмир, табиий ва суюлтирилган газ) билан узлуксиз таъминлаш бўйича белгиланган вазифалар ҳамда бу борада кўрилаётган чора-тадбирлар ҳолатини ўрганилди.
Маҳаллалардаги муаммолар ҳам тингланди. Хусусан, 18-мактаб биносини реконструкция қилиш, қўшимча бино қуриш зарурлиги, мактаб ўқувчилари учун дарсликларни ўз вақтида етиб келмаслиги ва етишмаслиги, 4-поликлиника филиалини капитал таъмирлаш, 33-мактабгача таълим ташкилоти биносини янгидан қуриш масалалар юзасидан мурожаат қидинди.
Шундан сўнг, тумандаги кўмир тарқатиш омборида бўлиб, ҳақиқий ҳолат ўрганилганда баъзи ҳолларда кўмир ўз вақтида етказиб келинмаётганлиги аниқланди. Шу кунга қадар аҳолига кўмир етказиб бериш режаси 58 фоизга бажарилган. Шунингдек, мутасаддиларга кўмирни аҳолига тарқатиш бўйича маҳаллалар билан яқиндан ҳамкорлик қилиш бўйича тегишли тавсиялар берилди.
Шу билан бирга, “маҳалла еттилиги”, туман камбағалликни қисқартириш ва бандлик бўлими, Маҳалла уюшмаси туман бўлими ҳамда бир қатор ташкилот раҳбарлари, аҳоли вакиллари билан учрашувларда Ўзбекистон Республикаси Президенти раислигида жорий йилнинг 19 ноябрь куни камбағалликни қисқартириш ҳамда аҳоли бандлигини таъминлаш борасидаги ишлар сарҳисоби ва келгуси йил учун устувор вазифалар юзасидан ўтказилган видеоселектор йиғилишида белгилаб берилган устувор вазифаларнинг аҳамияти тушунтирилди.
Таълим муассасаларида бўлиб ўтган учрашувларда Ўзбекистон Республикаси Конституциясининг моҳияти, ушбу асосий қонуннинг ҳаётимиз фаровонлиги, мамлакатимиз тараққиётидаги ўрни ҳақида ҳам атрофлича сўз юритилди.
Учрашувлардаги мурожаатларни кўриб чиқиш учун тегишли масъулларга йўналтирилди ва депутатлик назоратига олинди. Республика даражасидаги мурожаатлар бўйича депутатлик мурожаати юбориш режалаштирилди.
Сайлов округидаги учрашувлар давом этмоқда.
Фирдавс ШАРИПОВ,
Олий Мажлис Қонунчилик палатаси депутати,
ЎзХДП фракцияси раҳбари ўринбосари.