Denov tumanidagi “Ozod” mahallasi o‘tgan yili eng og‘ir ahvoldagi mahalla sifatida tanlab olingan. Dastlab o‘rganishlarimizni ushbu mahallada olib bordik. Aniqlandiki, mahalla infratuzilmasini yaxshilash bo‘yicha dastur doirasida mazkur hududlarda ishsizlik va kambag‘allik qisqartirilib, tomorqa yerlarning sug‘orish tizimi yaxshilangan. Barqaror elektr energiyasi va optik tolali internet tarmog‘i tortilgan. Ichki yo‘llar ta’mirlanib, mahallada “Obod xonadon-obod ko‘cha-obod mahalla” mezonlari asosida qiyofasi tubdan o‘zgartirilgan.
Mahalladagi kambag‘allikdan chiqarilgan oilalar xonadonlarida bo‘ldik. Umuman, dasturda belgilangan barcha chora-tadbirlar bajarilgan. Yana bir marta amin bo‘ldikki “mahalla yettiligi” jips bo‘lib faoliyat olib borsa mahalladagi muammolar o‘z yechimini topadi.
Shuningdek, hududlarda kuz-qish mavsumiga tayyorgarlik ishlarining borishi, shu jumladan, aholini, ijtimoiy soha obyektlarini, ayniqsa, tumandagi bir qator ijtimoiy obyektlar xususan, 2 va 18-sonli umumiy o‘rta ta’lim maktabida, 39-sonli maktabgacha ta’lim tashkilotida, 4-sonli oilaviy poliklinika filialida bo‘lib energiya resurslari (elektr energiyasi, ko‘mir, tabiiy va suyultirilgan gaz) bilan uzluksiz ta’minlash bo‘yicha belgilangan vazifalar hamda bu borada ko‘rilayotgan chora-tadbirlar holatini o‘rganildi.
Mahallalardagi muammolar ham tinglandi. Xususan, 18-maktab binosini rekonstruksiya qilish, qo‘shimcha bino qurish zarurligi, maktab o‘quvchilari uchun darsliklarni o‘z vaqtida yetib kelmasligi va yetishmasligi, 4-poliklinika filialini kapital ta’mirlash, 33-maktabgacha ta’lim tashkiloti binosini yangidan qurish masalalar yuzasidan murojaat qidindi.
Shundan so‘ng, tumandagi ko‘mir tarqatish omborida bo‘lib, haqiqiy holat o‘rganilganda ba’zi hollarda ko‘mir o‘z vaqtida yetkazib kelinmayotganligi aniqlandi. Shu kunga qadar aholiga ko‘mir yetkazib berish rejasi 58 foizga bajarilgan. Shuningdek, mutasaddilarga ko‘mirni aholiga tarqatish bo‘yicha mahallalar bilan yaqindan hamkorlik qilish bo‘yicha tegishli tavsiyalar berildi.
Shu bilan birga, “mahalla yettiligi”, tuman kambag‘allikni qisqartirish va bandlik bo‘limi, Mahalla uyushmasi tuman bo‘limi hamda bir qator tashkilot rahbarlari, aholi vakillari bilan uchrashuvlarda O‘zbekiston Respublikasi Prezidenti raisligida joriy yilning 19 noyabr kuni kambag‘allikni qisqartirish hamda aholi bandligini ta’minlash borasidagi ishlar sarhisobi va kelgusi yil uchun ustuvor vazifalar yuzasidan o‘tkazilgan videoselektor yig‘ilishida belgilab berilgan ustuvor vazifalarning ahamiyati tushuntirildi.
Ta’lim muassasalarida bo‘lib o‘tgan uchrashuvlarda O‘zbekiston Respublikasi Konstitutsiyasining mohiyati, ushbu asosiy qonunning hayotimiz farovonligi, mamlakatimiz taraqqiyotidagi o‘rni haqida ham atroflicha so‘z yuritildi.
Uchrashuvlardagi murojaatlarni ko‘rib chiqish uchun tegishli mas’ullarga yo‘naltirildi va deputatlik nazoratiga olindi. Respublika darajasidagi murojaatlar bo‘yicha deputatlik murojaati yuborish rejalashtirildi.
Saylov okrugidagi uchrashuvlar davom etmoqda.
Firdavs SHARIPOV,
Oliy Majlis Qonunchilik palatasi deputati,
O‘zXDP fraksiyasi rahbari o‘rinbosari.