Партиямиз Зомин туман кенгаши депутати Р.Маматқуловга туманнинг 5 та — Жийдали, Бахт, Баркамол, Ғунча ва Зиёли кўчалари истиқомат қилувчи фуқаролардан мурожаат келиб тушди.

Мурожаатда мазкур кўчаларда куз-қиш мавсумидаги ёғингарчиликда сув тўпланиб транспорт воситалари ва пиёдалар ҳаракатланиши учун ноқулай ҳолатга келиши айтилиб, йўлларни шағаллаштиришда депутатимиздан ёрдам сўралган.

Депутат масъул идоралар билан боғланиб ушбу муаммони ижобий ҳал этиш чораларини излаган. Натижада ҳозирда депутат ташаббуси билан кўчаларнинг жами 4,25 км шағал ётқизиш ишлари олиб борилмоқда.

Мазкур шағал ётқизиш жараёнларини депутат бевосита ўз назоратига олган. Аҳоли вакиллари ҳам олиб борилаётган бундай хайрли ишларидан мамнунлигини билдиришмоқда.