O‘zbekiston XDP Markaziy Kengashi xodimlari, partiya faollari va mas’ullaridan iborat ishchi guruh Surxondaryo viloyatidagi ijtimoiy soha obyektlarini o‘rganishga kirishdi.

O‘rganishlarda “Ijtimoiy himoya” milliy agentligining hududiy bo‘linmalari, “Inson” ijtimoiy xizmatlar markazlari, “Nuroniy” jamg‘armasi hududiy bo‘linmalari, davlat ta’lim muassasalari, “Aholi bandligiga ko‘maklashish” markazlari, “Muruvvat va saxovat” uylari, partiyaning hududiy tashkilotlari hamda mahalliy Kengashlardagi deputatlik guruhlari faoliyati bilan yaqindan tanishish, mavjud muammo va kamchiliklarni aniqlash, ularni bartaraf etish maqsad qilingan.