Халқ депутатлари Когон туман Кенгашидаги Ўзбекистон ХДП депутати Саида Шарипова тумандаги 17-сонли мактабгача таълим ташкилотида болалар учун яратилган шароитларни ўрганди.

Ўрганиш давомида ошхона, гуруҳ хоналари, тиббиёт ҳамшираси фаолияти ҳамда санитария-гигиена талабларига риоя этилиши кўздан кечирилди. Шунингдек, тарбияланувчиларнинг соғлом ва хавфсиз муҳитда таълим-тарбия олиши учун яратилган шароитларга эътибор қаратилди.

Ўрганиш болалар учун яратилган шароитларни баҳолаш ва мактабгача таълим ташкилотида таълим-тарбия сифатини яхшилашга кўмаклашиш мақсадида амалга оширилди.