Ўзбекистон ХДП Оҳангарон туман кенгаши депутати Феруза Холтураева ташаббуси билан Оҳангарон тумани Тиббиёт бирлашмасида туманнинг чекка ҳудудлари ҳисобланган “Санам”, “Сусам” ва “Чивилдоқ” маҳалла фуқаролар йиғинларида истиқомат қилувчи эҳтиёжманд аҳоли учун чуқурлаштирилган тиббий кўрик ташкил этилди.
Тадбир аҳоли саломатлигини мустаҳкамлаш, касалликларни эрта аниқлаш ҳамда сифатли тиббий хизмат кўрсатиш мақсадида ўтказилди. Тиббий кўрик давомида турли йўналишдаги мутахассис шифокорлар фуқароларни кўрикдан ўтказди. Жумладан, гинеколог қабулида 76 нафар, терапевт қабулида 40 нафар ҳамда ЛОР шифокори қабулида 39 нафар фуқаро тиббий кўрикдан ўтди.
Кўрик якунларига кўра, бир нафар ўқувчи қиз чуқурлаштирилган текширув ва даволаниш учун Тошкент тиббиёт институтига йўлланма олди. Шунингдек, саломатлик ҳолатига кўра 3 нафар фуқаро оилавий тиббиёт муассасаси орқали стационар даволанишга йўналтирилди.