Ўзбекистон Халқ демократик партияси Қорақалпоғистон Республикаси Кенгаши томонидан Амударё туманида “Сиёсатдаги ёшлар” интеллектуал турнири ўтказилди.

Интеллектуал турнирни ташкил этишдан асосий мақсад — ёшларнинг сиёсий билим ва кўникмаларини юксалтириш, уларнинг мамлакатимизда кечаётган сиёсий жараёнларда фаоллигини ошириш ҳамда ижтимоий жараёнларга жалб қилишдан иборатдир.

Интеллектуал турнир иштирокчилари иккита шарт бўйича ўз билимларини синовдан ўтказди.

Юқори савияда ва қизғин рақобат руҳида ўтган интеллектуал турнир якунларига кўра, “Юксалиш” жамоаси фахрли биринчи ўринни қўлга киритган бўлса, “Ёшлар” ва “Тараққиёт” жамоалари иккинчи ўринни, “Қалқон” ҳамда “Ватанпарвар” жамоалари эса учинчи ўринга лойиқ топилди.

Ғолиблар партиянинг Қорақалпоғистон Республикаси Кенгаши томонидан тайёрланган махсус диплом ва эсдалик совғалари билан тақдирланди. Шунингдек, тадбир якунида партия сафига янги аъзолар қабул қилинди.