Депутат сўровидан сўнг муаммо ҳал бўлди
Ҳазорасп туман Кенгаши депутати С.Қурёзов “Саноат” маҳалласида сайловчилар билан учрашув ўтказди.
Фуқаролар томонидан маҳалласидаги Офтоб кўчасининг катта магистраль йўли қисмида пиёдалар хавфсизлигини таъминланмагани айтилди. Бунинг учун пиёдалар хавфсиз ўтиб-қайтиши учун светофор ўрнатишга ёрдам сўрашди.
Депутат масалани жойига чиқиб ўрганганда айнан шу йўлни ўқувчилар 20-умумтаълим мактаби ва 8-МТТга тарбияланувчилар кесиб ўтиши маълум бўлди.
С.Қурёзов муаммони бартараф этишни сўраб тегишли ташкилотларга сўров юборди.
Натижада, Офтоб кўчасида пиёдалар ўтиши учун светофор ўрнатилди. Бу ҳудуд аҳли учун қулай ва хавфсиз ҳаракатланишга имкон яратди.