Xalq deputatlari Fargʻona viloyati Kengashidagi Oʻzbekiston XDP deputatlik guruhi aʼzolari hamda partiyaning viloyat, tuman va shahar kengashlari raislari tomonidan ogʻir ijtimoiy ahvoldagi xotin-qizlar, nogironligi boʻlgan shaxslar, kam taʼminlangan oilalar hamda uy-joy sharoitini yaxshilashga muhtoj onalarni arzon uy-joy bilan taʼminlash holati oʻrganildi.

Oʻrganishlar jarayonida uy-joy bilan ta’minlangan fuqarolar to‘g‘risidagi maʼlumotlar ijtimoiy va iqtisodiy komplekslar kesimida tahlil qilindi. Ma’lum bo‘lishicha, homiylar va jamg‘armalar mablagʻlari orqali 2025-yil davomida viloyatda 91 nafar xotin-qiz uy-joy bilan taʼminlangan.

Deputatlar Qoʻshtepa, Toshloq, Dangʻara tumanlari va Quvasoy shahrida ogʻir ijtimoiy ahvoldagi xotin-qizlar, nogironligi boʻlgan shaxslar, kam taʼminlangan oilalar hamda uy-joy sharoitini yaxshilashga muhtoj onalarning yashash sharoitlari joyiga chiqqan holda oʻrganib, ular bilan ochiq muloqotlar o‘tkazdi.