Uchrashuvda fuqarolar bir qator muhim masalalarni ko‘tardi. Jumladan, mazkur maktab binosi 1100 o‘ringa mo‘ljallangan bo‘lishigfa qaramasdan, hozirgi kunda u yerda 2200 dan ortiq o‘quvchi taʼlim- tarbiya olayotganligi, sinflarda o‘quvchilar soni meʼyoridan oshib ketganligi, sinf xonalarining va o‘quv-texnik jihozlarining yetishmasligi aytildi. Bu o‘z-o‘zidan taʼlim sifatiga ham salbiy taʼsir ko‘rsatishi qayd etildi.
Deputatlar saylovchilarning 5-maktab haqidagi murojaatlarini eshitib, tegishli tashkilotlar bilan bog‘lanib, mas’ullarga so‘rov yuborib masalaga ijobiy yechim topishga qaror qilishdi.
Shuningdek, aholi vakillarining taklifi bilan deputatlar hududdagi xususiy va davlat-xususiy sherikchilik asosidagi maktabgacha taʼlim tashkilotlari faoliyatini o‘rganishga kelishib olishdi.