Ўзбекистон ХДП Хоразм вилоят кенгаши ташаббуси билан Урганч давлат педагогика институтида талаба ёшлар ўртасида “Сиёсатдаги ёшлар” интеллектуал турнири ташкил этилди. Тадбир ёшларнинг сиёсий-ҳуқуқий билимларини ошириш, уларнинг фаоллигини кучайтиришга қаратилди.

Интеллектуал беллашувда жами 8 та жамоа – “Юксалиш”, “Турон”, “Эврика”, “Биологлар”, “Прогрес”, “Астрономлар”, “Тўмарислар” ва “Экологлар” жамоалари иштирок этиб, ўз билим ва салоҳиятларини намоён этдилар.

Қизғин баҳслар якунига кўра, “Эврика” жамоаси 1-ўринни эгаллади. “Биологлар” жамоаси 2-ўринга, “Юксалиш” жамоаси эса 3-ўринга сазовор бўлди.

Тадбир якунида ғолиб ва фаол иштирок этган жамоалар партиянинг ташаккурномалари ҳамда эсдалик совғалари билан тақдирланди.