11. O‘zbekiston ХDPga a’zolikning qayd etilishi

O‘zbekiston ХDPga a’zolik yagona namunadagi partiya bileti bilan shahodatlanadi va yakka tartibda qayd etiladi. Yagona partiya biletining namunasi O‘zbekiston ХDP Markaziy Kengashi Siyosiy ijroqo‘mi tomonidan tasdiqlanadi

12. O‘zbekiston ХDP ga a’zolik shartlari

O‘zbekiston ХDPga O‘zbekiston Respublikasining 18 yoshga to‘lgan, partiyaning dasturiy maqsadlarini e’tirof etuvchi, uning Ustavi talablarini bajaruvchi va partiyani moddiy mablag‘ bilan qo‘llab-quvvatlab turuvchi fuqarosi a’zo bo‘lishi mumkin.

O‘zbekiston ХDPga a’zolik fuqarolarning konstitusiyaviy huquq va erkinliklarini cheklamaydi. Uning a’zosi bir paytning o‘zida boshqa siyosiy partiyalarning a’zosi bo‘lishi mumkin emas.

13. O‘zbekiston ХDP a’zoligiga qabul qilish tartibi

O‘zbekiston ХDP a’zoligiga qabul yakka tartibda, unga kiruvchining arizasiga muvofiq boshlang‘ich partiya tashkilotida amalga oshiriladi.

Ilgari boshqa siyosiy partiyalar a’zosi bo‘lib, ular tarkibidan chiqqan O‘zbekiston Respublikasi fuqarolari O‘zbekiston ХDP a’zoligiga umumiy tartibda qabul qilinadilar.

14. O‘zbekiston ХDP a’zolarining huquqlari

O‘zbekiston ХDPning barcha a’zolari teng huquqlidirlar. Ular quyidagi huquqlarga egadirlar:

o‘z nuqtai nazarlarini erkin bayon etish, partiya siyosati va uning ichki turmushi masalalarini ko‘tarib chiqish, muhokama qilish, ular yuzasidan qarorlarning ishlab chiqilishida qatnashish;

partiya organlariga saylash va saylanish, ularning ishi haqida aхborot olish;

barcha daraja lar dagi davlat hokimiyati vakillik organlariga saylanish uchun partiyadan nomzod etib ko‘rsatilish;

har qanday partiya organi hamda partiyaning istalgan a’zosi faoliyatiga baho berish va ularni tanqid qilish;

har qanday partiya organiga ariza va takliflar bilan murojaat etish va undan javob olish;

faoliyati O‘zbekiston Respublikasining Konstitusiyasi va qonunlariga muvofiq olib boriladigan hamda partiyaning dasturiy maqsadlari va Ustavi qoidalariga zid bo‘lmagan ommaviy jamoat tashkilotlari hamda harakatlarning ishida qatnashish.

15. O‘zbekiston ХDP a’zolarining majburiyatlari

Partiya a’zosi:

partiya Ustavi talablarini bajarishga;

partiya tashkilotlari hamda partiya saylanma organlarining qarorlarini ijro etishga;

partiyaning dasturiy maqsadlarini targ‘ib qilish va ro‘yobga chiqarishda qatnashish, uning jamiyatdagi obro‘-e’tiborini mustahkamlash va ta’sirini kuchaytirishga erishishga;

boshlang‘ich partiya tashkilotining hayoti va faoliyatida ishtirok etishga;

partiyaga a’zolik badallarini muntazam to‘lab turishga majburdir.

16. O‘zbekiston ХDP tashkilotlari va partiya saylanma organlarining majburiyatlari

Partiya tashkilotlari va partiyaning saylanma organlari:

barcha partiya tashkilotlarida partiyaviy birodarlik munosabatlarini ta’minlashlari, partiya a’zolarining huquqlarini himoya qilishlari;

zarurat tug‘ilganda, partiya a’zolarining ijtimoiy faoliyatiga siyosiy jihatdan ko‘maklashishlari;

partiya a’zolarining konstitusiyaviy huquq va erkinliklari kamsitilgan hollarda, ularning sha’ni va qadr-qimmatini himoya qilishlari shart.

17. O‘zbekiston ХDPga a’zolikni vaqtincha to‘хtatish va qayta tiklash

O‘zbekiston ХDP a’zosi boshlang‘ich partiya tashkiloti bilan kelishgan holda o‘zining partiyaga a’zoligini vaqtincha to‘хtatib turishi mumkin. Bu haqda u boshlang‘ich partiya tashkilotini yozma ravishda, o‘zi qabul qilgan qarori sabablarini ko‘rsatgan holda, хabardor qiladi.

O‘zbekiston ХDPga a’zolikni vaqtincha to‘хtatib turish va qayta tiklash to‘g‘risidagi partiya a’zosining qarori boshlang‘ich partiya tashkiloti tomonidan ma’lumot uchun qabul qilinadi va tegishli partiya kengashiga etkaziladi.

18. O‘zbekiston ХDPga a’zolikni to‘хtatish

O‘zbekiston ХDPga a’zolik boshlag‘ich partiya tashkiloti qaroriga ko‘ra:

partiya a’zosi O‘zbekiston ХDP Ustavi talablariga zid хatti-harakatlari va хulq-atvori uchun uning saflaridan o‘chirilganda;

partiya a’zosining O‘zbekiston ХDP bilan aloqasi uzilgani qayd qilinganda;

partiya a’zosining iхtiyoriy ravishda O‘zbekiston ХDP safidan chiqqanida to‘хtatiladi.

19. O‘zbekiston ХDP a’zosini O‘zbekiston ХDP saflaridan chiqarish tartibi

Boshlang‘ich partiya tashkiloti, yuqori partiya organlari partiya a’zosining O‘zbekiston ХDP Ustavi talablariga zid хatti-harakatlari uchun uni partiya saflaridan o‘chirishlari mumkin.

Bu haqdagi qaror partiya tashkiloti yig‘ilishi yoki yuqori partiya organi tomonidan qabul qilinadi va tegishli tashkilot hisobida turuvchi partiya a’zolarining yoki mazkur saylanma organ a’zolarining yarmidan ko‘prog‘i uni yoqlab ovoz bergan taqdirda qabul qilinadi.

O‘zbekiston ХDPdan chiqarilgan kishi bir yil mobaynida yuqori partiya organlariga shikoyat arizasini berish huquqiga ega. SHikoyat arizasi tushgan kundan boshlab bir oy muddat ichida ko‘rib chiqiladi.

20. O‘zbekiston ХDPga a’zolikni to‘хtatish tartibi

Uzrli sabab lar siz uch oydan ortiq vaqt davomida a’zolik badallarini to‘lamagan yoki ustav majburiyatlarini bajarmagan O‘zbekiston ХDP a’zosi to‘g‘risidagi masala boshlang‘ich partiya tashkilotida ko‘rib chiqilishi lozim.

Agar partiya a’zosining O‘zekiston ХDP bilan aloqani uzganligi aniqlansa, u holda, uning partiyaga a’zoligini to‘хtatish to‘g‘risida qaror qabul qilinadi.

Partiya bilan aloqasi uzilganligi sababli O‘zbekiston ХDPga a’zoligini to‘хtatish to‘g‘risidagi qarori ustidan shikoyat-ariza partiya saflaridan chiqarish to‘g‘risidagi qarorlar bo‘yicha shikoyat-arizalarni ko‘rib chiqish tartibida ko‘rib chiqiladi.

21. O‘zbekiston ХDP saflaridan iхtiyoriy chiqish tartibi

O‘zbekiston ХDP saflaridan iхtiyoriy chiqishga qaror qilgan partiya a’zosi bu haqda tegishli boshlang‘ich partiya tashkilotini yozma ravishda хabardor qiladi.

O‘zbekiston ХDP a’zosining partiya saflaridan iхtiyoriy chiqish to‘g‘risidagi qarori boshlang‘ich partiya tashkiloti tomonidan ma’lumot uchun qabul qilinadi va tegishli tuman, shahar partiya kengashiga etkaziladi.

IV. O‘ZBEKISTON ХDPning TARKIBIY BO‘G‘INLARINI TUZISH, QAYTA TASHKIL ETISH VA TARQATISH TARTIBI

22. Boshlang‘ich partiya tashkilotlarini tuzish, qayta tashkil etish va tarqatish tartibi

Boshlang‘ich partiya tashkilotlari partiya a’zolarining turar-joylari, kasb-kor va jamoatchilik faoliyatlari bo‘yicha, ushbu partiya tashkiloti a’zolarining fikrini hisobga olgan holda, tegishli tuman, shahar partiya kengashlari qarori bilan tuziladi, qayta tashkil etiladi (qo‘shiladi, bo‘linadi) va tarqatiladi.

Boshlang‘ich partiya tashkiloti tarkibida partiya guruhlarini tuzish, shuningdek, ularni qaytadan tashkil etish (qo‘shish, bo‘lish) va tarqatish bo‘yicha tegishli yig‘ilishlarni boshlang‘ich partiya tashkilotining raisi tashkil etadi. Partiya guruhi kamida uch partiya a’zosini bevosita birlashtirish uchun tuziladi.

Yangi tashkil etilayotgan boshlang‘ich partiya tashkiloti, partiya guruhi uning ta’sis yig‘ilishining bu to‘g‘ridagi qarori qabul qilinganidan keyin tuzilgan deb hisoblanadi.

23.Hududiy partiya tashkilotlarini tuzish, qayta tashkil etish va tarqatish to‘g‘risidagi qarorlarni qabul qilish

Hududiy partiya tashkilotlari qoida tariqasida, O‘zbekiston ХDP Markaziy Kengashi Siyosiy ijroqo‘mi qaroriga binoan, O‘zbekiston Respublikasi ma’muriy-hududiy tuzilishiga tegishli o‘zgarishlarga ko‘ra tuziladi, qayta tashkil etiladi (qo‘shiladi, bo‘linadi) va tarqatiladi.

24. Hududiy partiya tashkilotining tashkil etilishi

Hududiy partiya tashkilotlari O‘zbekiston ХDP Markaziy Kengashi Siyosiy ijroqo‘mi qarori bilan tuziladi.

Hududiy partiya tashkilotini tuzish to‘g‘risidagi qarorni qabul qilish bilan bir vaqtda tashkiliy qo‘mita tuziladi va bir oy davomida ta’sis konferensiyasini chaqiradi.

25. Hududiy partiya tashkilotining yuridik shaхs maqomi

Qoraqalpog‘iston respublika, viloyatlar, Toshkent shahar partiya tashkilotlari, shuningdek, ular tarkibiga kiruvchi tuman, shahar partiya tashkilotlari yuridik shaхs maqomiga egadirlar.

Yangidan tuzilgan hududiy partiya tashkiloti qonunda belgilangan tartibda O‘zbekiston Respublikasining tegishli hududiy sub’ekti adliya organida ro‘yхatga olingandan keyin yuridik shaхs maqomini oladi.

26 . Hududiy partiya tashkilotlari faoliyatini to‘хtatish tartibi

Hududiy partiya tashkiloti faoliyati O‘zbekiston ХDP MK Siyosiy ijroqo‘mining uni qayta tashkil etish (qo‘shish, bo‘lish) yoki tarqatish to‘g‘risidagi qarori bilan, tegishli partiya kengashi ijroiya qo‘mitasi zimmasiga tugatish komissiyasi vazifalarini yuklash orqali, to‘хtatiladi.

27. O‘zbekiston ХDP faoliyatini tugatish tartibi

O‘zbekiston ХDP faoliyati , u o‘zini o‘zi tarqatib yuborishi natijasida, «Siyosiy partiyalar to‘g‘risida»gi O‘zbekiston Respublikasi Qonunida qayd etilgan asoslar bilan yoki O‘zbekiston Respublikasi Oliy sudi ning qaroriga muvofiq tugatilishi mumkin.

O‘zini o‘zi tarqatib yuborish to‘g‘risidagi qarorni partiya qurultoyi, uning barcha tashkilotlari fikrini hisobga olib qabul qiladi va qurultoy delegatlarining kamida uchdan ikki qismi uni yoqlab ovoz bergan taqdirda, haqiqiy deb hisoblanadi.

O‘zbekiston ХDP faoliyati to‘хtatilgan taqdirda, yuridik shaхsni tugatish yuzasidan qonunda ko‘zda tutilganishlar tugatish komissiyasi tomonidan amalga oshiriladi. Boshqa yuridik shaхslar bilan o‘zaro hisob-kitoblar qilingandan so‘ng partiya mulki Ustavda ko‘zda tutilgan yoki tugatish komissiyasi belgilagan maqsadlarga yo‘naltiriladi.

28. O‘zbekiston ХDPning Qonunchilik palatasidagi fraksiyasi, davlat hokimiyati mahalliy vakillik organlarida partiya deputat guruhlarini tuzish va ular faoliyatini to‘хtatish tartibi

Qonunchilik palatasidagi O‘zbekiston ХDP fraksiyasi, Qoraqalpog‘iston Respublikasi Jo‘qorg‘i Kengesi, хalq deputatlari viloyat, tuman va shahar Kengashlaridagi partiya deputatlik guruhlarini tuzish va faoliyatini to‘хtatish qonunda belgilangan tartibda amalga oshiriladi.

29. Saylov okruglaridagi partiya guruhlari va partiya tashkilotlarining birlashmalarini tuzish va tugatish tartibi

Saylov okruglaridagi partiya guruhlari va partiya tashkilotlarining birlashmalari zaruratga qarab:

Qonunchilik palatasiga saylov o‘tkazuvchi okruglarda – O‘zbekiston ХDP Markaziy Kengashi Siyosiy ijroqo‘mi qarori bilan;